www.koothanallur.co.in - General News: 2009

::: இணையதள பார்வையாளர்களுக்கு, நமது www.koothanallur.co.in இணையத்தளத்தில் வெளியிடப்படும் அனைத்து தகவல்கள் மற்றும் துண்டு பிரசுரங்கள் (Notice) ஆகியவை நமது ஊரில் நடக்கும் அன்றாட நிகழ்வுகளை வெளிநாடு வாழ் கூத்தாநல்லூர் மக்கள் அனைவரும் அறிந்துகொள்ளும் விதமாகவே வெளியிடப்படுகின்றன ::: மற்றபடி எந்த ஒரு தனிநபர் சொந்த விருப்பத்திற்கோ, இயக்கத்திற்கோ அல்லது கட்சிக்கோ சாதகமாகவோ பாதகமாகவோ செய்திகள் வெளியிடப்படுவதில்லை என்பதை நினைவுகூறுகிறோம் ::: (100% தெளிவாக காண்பதற்கு படத்தின் மீது கிளிக் செய்யவும்) :::

Saturday, December 26, 2009

நமதூரில் தமிழக அரசின் 24மணி நேர 108 ஆம்புலன்ஸ் சேவை துவக்கம்

கடந்த 22/12/2009 வியாழன் அன்று காலை சுமார் 11.00 மணியளவில் கூத்தாநல்லூா் ‌செல்வி மஹால் திருமண அரங்கத்தில் நமதூருக்கான தமிழக அரசின் 108 ஆம்புலன்ஸ் சேவையை தமிழ்நாடு மின்வாரிய ஆலோசனை குழு உறுப்பினர் திரு. பூண்டி கலைவாணன் அவர்கள் துவக்கி வைத்தார்.

இத்துவக்கவிழாவிற்கு கூத்தாநல்லூா் நகர்மன்ற தலைவர் ஜனாபா. யாஸ்மீன் பர்வீன், நகா்மன்ற துணைத் தலைவா் ஜனாப். காதா் உசேன் மற்றும் நகராட்சி ஆணையா் திரு.சரவணன் ஆகியோர் முன்னிலை வகித்தனா்.

இவ்விழாவில் கூத்தாநல்லூா் ஊர்உறவின் முறை ஜமாத்தார்கள், அரசியல் கட்சி பிரமுகர்கள் மற்றும் சமுதாய ஆர்வலா்கள் கலந்து கொண்டு சிறப்பித்தனா்.

பலரது உயிர்காக்கும் இச்சேவையை திருவாரூா் மாவட்ட ஆட்சியரிடம் பலமான கோரிக்கை மூலம் பெற்றுத் தந்த நமதூா் நகா்மன்ற துணைத் தலைவா் ஜனாப். காதா் உசேன் அவர்களுக்கு நமது இணையதள குழுவின் சார்பில் நன்றியினை தெரிவித்துக் கொள்கிறோம்.

அவசர தேவைக்கு 108 எண்ணில் ‌தொலைபேசி வழியாக தொடா்பு கொள்ளவும்.
நமதூர் நகராட்சி முன்புறம் 108 ஆம்புலன்ஸ் தயார் நிலையில் 24 மணிநேரமும்...

வௌ்ளிக்கிழமை (25 டிசம்பர்) ஜூம்ஆ தொழுகைக்கு பிறகு வெளியான துண்டு பிரசுரங்கள்

Friday, December 18, 2009

வௌ்ளிக்கிழமை (18 டிசம்பர்) ஜூம்ஆ தொழுகைக்கு பிறகு வெளியான துண்டு பிரசுரங்கள்.

Wednesday, December 16, 2009

காப்பீட்டுத் திட்டம்: விடுபட்டவர்களுக்கு புகைப்படம் எடுக்க மீண்டும் வாய்ப்பு

திருவாரூர் மாவட்டத்தில் கலைஞர் மருத்துவக் காப்பீட்டுத் திட்டத்தில் புகைப்படம் எடுத்துக் கொள்ளாமல் விடுபட்டவர்களுக்கு மீண்டும் எடுத்துக் கொள்ள வாய்ப்பு அளிக்கப்பட்டுள்ளது.

இதுகுறித்து ஆட்சியர் எம். சந்திரசேகரன் வெளியிட்டுள்ள செய்திக்குறிப்பு: திருவாரூர் மாவட்டத்தில் ஆண்டு வருமானம் ரூ.72,000-த்துக்கும் குறைவாக உள்ள ஏழை, எளிய மக்களுக்காகவும், 26 நலவாரியங்களில் உறுப்பினர்களாகவும் உள்ளவர்களுக்கு 51 வகையான நோய்களுக்கு தனியார் மருத்துவமனைகளில் ஆண்டுக்கு ரூ.1 லட்சம் மதிப்பில் உயர் சிகிச்சைப் பெறுவதற்கு ஏதுவாக தமிழக அரசு உயிர் காக்கும் உயர் சிகிச்சைக்கான கலைஞர் காப்பீட்டுத் திட்டத்தை அறிவித்துள்ளது.

இதன்படி, திருவாரூர் மாவட்டத்தில் ஏற்கனவே அடையாள அட்டை வழங்குவதற்காக 2,52,570 குடும்பங்கள் புகைப்படம் எடுக்கப்பட்டு, இதுவரை 1,97,790 பேருக்கு அடையாள அட்டைகள் வழங்கப்பட்டுள்ளன.

மேலும் முதல் சுற்றில் விடுபட்டவர்களுக்காக மாவட்டம் முழுவதும் இரண்டாம் சுற்று புகைப்படம் எடுக்கும் பணி தொடங்கபட்டுள்ளது. இதன்படி, குடவாசல் வட்டத்தில் டிச.16-ம் தேதியும், நன்னிலம் வட்டத்தில் டிச.17 முதல் 19-ம் தேதி வரையிலும், வலங்கைமான் வட்டத்தில் டிச.20,21 தேதிகளிலும், நீடாமங்கலம் வட்டத்தில் டிச.22 முதல் 24-ம் தேதி வரையிலும், திருத்துறைப்பூண்டி வட்டத்தில் டிச.25 முதல் டிச. 27-ம் தேதி வரையிலும், திருவாரூர் வட்டத்தில் டிச. 28, 29 தேதிகளிலும் அந்தந்த கிராமம் அல்லது அருகிலுள்ள கிராம பள்ளிகளில் புகைப்படம் எடுக்கும் பணி நடைபெறும்.

முதல் சுற்றில் புகைப்படம் எடுக்காமல் விடுபட்ட நபர்கள் இந்த வாய்ப்பைப் பயன்படுத்தி குடும்பத்துடன் வந்து புகைப்படம் எடுத்துக் கொள்ளுமாறு ஆட்சியர் கேட்டுக் கொண்டுள்ளார்.

-நன்றி/ தினமணி.காம்

இயல்பு வாழ்க்கை பாதிப்பு

தொடர் மழை, புயல் எச்சரிக்கை காரணமாக, திருவாரூர் மாவட்டத்தில் இயல்பு வாழ்க்கையில் பாதிப்பு ஏற்பட்டது.

திருவாரூர் மாவட்டத்தில் கடந்த 4 நாள்களாகத் தொடர்ந்து மழை பெய்து வருகிறது. வங்கக் கடலில் புயல் உருவானதையடுத்து, சனிக்கிழமை முதல் செவ்வாய்க்கிழமை வரை நாகை துறைமுக அலுவலகத்தில் 3-ம் எண் புயல் எச்சரிக்கைக் கூண்டு ஏற்றப்பட்டிருந்தது. பிற்பகல் இந்த எச்சரிக்கைக் கூண்டு இறக்கப்பட்டது.

இருந்தபோதிலும், திருவாரூர் மாவட்டத்தின் அனைத்துப் பகுதிகளிலும் தொடர்ந்து பலத்த மழை பெய்தது. தொடர் மழை நீடிப்பதால் திருவாரூர் மாவட்டத்தின் அனைத்துப் பகுதிகளிலும் இயல்பு வாழ்க்கை பாதிக்கப்பட்டிருந்தது. மாவட்டத்தின் ஒரு சில பகுதிகளில் போக்குவரத்தில் பிரச்னை ஏற்பட்டது.

பள்ளிகளுக்கு விடுமுறை: புயல் எச்சரிக்கை மற்றும் தொடர் மழை காரணமாக திருவாரூர் மாவட்டத்தில் பள்ளி, கல்லூரி உள்ளிட்ட அனைத்துக் கல்வி நிலையங்களுக்கும் செவ்வாய்க்கிழமை (டிச. 15) விடுமுறை அறிவிக்கப்பட்டிருந்தது.

அதிரடி குறைந்த கட்டணத்தில் உம்ரா (ரூ.39000/-) தக்பீர் ஹஜ் சர்வீஸ்

குவைத் K-Tic வழங்கும் முப்பெரும் முத்தான நிகழ்ச்சிகள்

Tuesday, December 15, 2009

திருவாரூர் மாவட்டத்தில் பள்ளிகளுக்கு இன்று விடுமுறை

புயல் எச்சரிக்கை காரணமாக, திருவாரூர் மாவட்டத்தில் பள்ளிகளுக்கு செவ்வாய்க்கிழமை விடுமுறை அறிவிக்கப்பட்டுள்ளது.

தென்மேற்கு வங்கக்கடலில் ஆழ்ந்த காற்றழுத்தத் தாழ்வு நிலை கடந்த இரு தினங்களுக்கு மேலாக நிலை கொண்டுள்ளது. இதனால் கடந்த இரு தினங்களாக திருவாரூர் மாவட்டத்தில் பரவலாக மழைபெய்து வருகிறது. தொடர்ந்து திங்கள்கிழமையும் அதிகாலை தொடங்கி பகல் முழுவதும் வானம் மேகமூட்டத்துடனே காணப்பட்டது. தொடர்ந்து மழை பெய்து கொண்டேயிருந்தது. அவ்வப்போது லேசாக வெயில் அடித்தது.

விடுமுறை குறித்து மாவட்ட ஆட்சியர் எம். சந்திரசேகரன் வெளியிட்டுள்ள செய்தி: புயல் செவ்வாய்க்கிழமை கரையை கடக்கும் என்று எதிர்பார்க்கப்படுவதால் செவ்வாய்க்கிழமை திருவாரூர் மாவட்டத்தில் மழை அதிக அளவில் இருக்குமெனவும், பலத்த காற்றும் வீசக்கூடும் எனவும் வானிலை ஆய்வு மையம் அறிவித்துள்ளது. மேலும் கடல் சீற்றம் அதிகமாக இருக்கும் என்பதால், திருவாரூர் மாவட்டத்தைச் சேர்ந்த மீனவர்கள் செவ்வாய்க்கிழமை கடலுக்குச் செல்ல வேண்டாமென அறிவுறுத்தப்பட்டுள்ளனர்.

மழை, காற்று அதிகமாக இருக்குமென எதிர்பார்க்கப்படுவதால் செவ்வாய்க்கிழமை ஒருநாள் மட்டும் இம்மாவட்டத்தில் உள்ள பள்ளிகளுக்கு விடுமுறை அளிக்கப்படுகிறது. பள்ளிகளில் பல்வேறு வகுப்புகளுக்கு நடைபெறும் அரையாண்டுத் தேர்வுகள் வேறொரு நாளில் நடத்தப்படும் என ஆட்சியர் தெரிவித்துள்ளார்.

Monday, December 14, 2009

திருவாரூர் மாவட்டத்தில் 2-வது நாளாக பரவலாக மழை

வங்கக் கடலில் ஏற்பட்டுள்ள காற்றழுத்த தாழ்வு நிலை காரணமாக திருவாரூர் மாவட்டத்தில் 2-வது நாளாக ஞாயிற்றுக்கிழமையும் பரவலாக மழை பெய்தது.

தென்மேற்கு வங்கக் கடலில் ஆழ்ந்த காற்றழுத்தத் தாழ்வு நிலை கடந்த இரு தினங்களாக நிலை கொண்டுள்ளது. இதனால், சனிக்கிழமையை தொடர்ந்து ஞாயிற்றுக்கிழமையும் காலை முதலே வானம் மேக மூட்டத்துடன் காணப்பட்டது. சில நேரங்களில் நல்ல வெயில் அடித்தது. சிறிது நேரத்தில் திடீரென மழை பெய்தது.

Sunday, December 13, 2009

வங்கக்கடலில் குறைந்த காற்றழுத்தத் தாழ்வு நிலை

தென்மேற்கு வங்கக்கடல் அருகில் குறைந்தத காற்றழுத்தத் தாழ்வு மண்டல நிலை கொண் டுள்ளது. இதனால் வானம் மேகமூட்டத்துடன் 23 டிகிரி வெப்பநிலை உருவாகும். மேலும் 45 முதல் 55 கிலோ மீட்டர் வேகத்துடன் காற்று வீசக்கூடும்.

தமிழ்நாடு மற்றும் புதுச்சேரி தெற்கு கடல்கரையோர மாவட்டங்களிலும், மாநிலத்தின் உள்பகுதியிலும் அடுத்த 48 மணி நேரத்தில் மிதமானது முதல் கனத்த மழை பெய்யக் கூடும். கடல் கொந்தளிப்புடனும், சீற்றத்துடனும் காணப்படும். இதனால் மீனவர்கள் கடலுக்குச் செல்ல வேண்டாமென அறிவுறுத்தப்பட்டுள்ளனர்.

தாழ்வான பகுதிகளில் வசிப்பவர்கள் பாதுகாப்பான இடங்களில் இருக்க வேண்டும். மேலும் தீயணைப்புத் துறை, வருவாய்த் துறை, பொதுப்பணித் துறை ஆகிய முக்கிய துறைகள் மூலம் பாதுகாப்பு நடவடிக்கைகள் மேற்கொள்ளப்பட்டுóள்ளது.

தேவையான அளவுக்கு உணவுப் பொருள்கள், மருத்துவப் பொருள்கள் இருப்பில் வைக்கப்பட்டும், பள்ளி, கல்லூரி கட்டடங்களில் பொதுமக்கள் பாதுகாப்பாக தங்க வைக்க தேவையான ஏற்பாடுகளும் செய்யப்பட்டுள்ளன. எந்த ஒரு இடர்பாடு ஏற்பட்டாலும் எதிர்கொள்ள மாவட்ட நிர்வாகம் தயாராக உள்ளது என ஆட்சியர் தெரிவித்துள்ளார்.

Friday, December 11, 2009

செல்பேசி பேசிக் கொண்டு வாகனம் ஓட்டினால் கடும் நடவடிக்கை

செல்பேசியில் பேசிக் கொண்டே வாகனங்களை ஓட்டுபவர்கள் மீது காவல் துறை மூலம் நடவடிக்கை எடுக்கப்படுமென மாவட்ட ஆட்சியர் எம். சந்திரசேகரன் எச்சரித்துள்ளார்.

திருவாரூர் மாவட்டத்தில் சாலைகளில் இருசக்கர மற்றும் மூன்று, நான்கு சக்கர வாகனங்களை ஓட்டிச் செல்லும் பொதுமக்கள் மற்றும் ஓட்டுநர்கள் வாகனங்களை ஒரு கையால் இயக்கிக் கொண்டே மற்றொரு கையில் செல்பேசியை வைத்துக் கொண்டு அதில் பேசிக் கொண்டு செல்வதாக புகார்கள் வந்தவண்ணம் உள்ளன.

ஒரு சிலரின் இதுபோன்ற நடவடிக்கைகள் காரணமாக சாலையில் கவனம் சிதறி விபத்துகளும், போக்குவரத்து நெரிசல் மற்றும் இதர வாகன ஓட்டுநர்களுக்கு இடையூறுகளும் ஏற்படுகின்றன.

எனவே, சாலைகளில் வாகனங்களை இயக்குபவர்கள் செல்பேசியில் பேசிக் கொண்டே வாகனங்களை இயக்கினால் அவர்கள் மீது காவல்துறை மூலம் சட்டப்படியான நடவடிக்கை எடுக்கப்படும் என ஆட்சியர் எம். சந்திரசேகரன் வெளியிட்டுள்ள செய்திக்குறிப்பில் எச்சரித்துள்ளார்.

நக‌ர்‌ப்புற‌ங்களி‌ல் வசி‌க்கு‌ம் ஏழ‌ைகளு‌க்கு வீடு க‌ட்ட கடனுதவி : ஆ‌ட்சிய‌ர்

திருவ‌ாரூ‌ர் ம‌ாவ‌ட்ட‌த்தி‌ல் நக‌ர்புற‌ங்களி‌ல் வசி‌க்கு‌ம் இதுவ‌ரை ‌சொந்த வீடு இ‌ல்ல‌ாத ஏழ‌ைகளு‌க்கு வீடுக‌ட்ட கடனுதவி வழ‌ங்க‌ப்படவு‌ள்ளது என ம‌ாவ‌ட்ட ஆ‌ட்சிய‌ர் எ‌ம். ச‌ந்திர‌சேகர‌ன் ‌தெரிவி‌த்து‌ள்ள‌ார்.

இதுகுறி‌த்து அவ‌ர் ‌வெளியி‌ட்டு‌ள்ள ‌செ‌ய்தி‌க்குறி‌ப்பு: நக‌ர்‌ப்புற‌ங்களி‌ல் வசி‌த்து வரு‌ம் இதுவ‌ரை ‌சொ‌ந்த வீடு இ‌ல்ல‌ாத மாத வருமான‌ம் ரூ.3,000-‌த்து‌க்கு‌ள் உ‌ள்ள ‌பொருளாதார‌த்தி‌ல் மிகவு‌ம் நலிவ‌டை‌ந்த ஏழ‌ை ம‌க்களு‌க்கு 25 சதுர மீ‌ட்ட‌ர் பர‌ப்பளவி‌ல் வீடு க‌ட்டி‌க் ‌கொ‌ள்ள, வ‌ங்கி‌க் கடன் ரூ.1 ல‌ட்ச‌ம் வ‌ரையிலு‌ம், ம‌ாத வரும‌ான‌ம் ரூ.3,301 முத‌ல் ரூ.7,300 வ‌ரை கு‌றை‌ந்த வருவ‌ா‌ய்‌ப்பிரிவு ஏழ‌ை ம‌க்களு‌க்கு 40 சதுர மீ‌ட்ட‌ர் பர‌ப்பளவி‌ல் வீடு க‌ட்டி‌க் ‌கொ‌ள்ள, வ‌ங்கி‌க் கடன் ரூ.1.60 ல‌ட்ச‌ம் கட‌ன் வழ‌ங்கவு‌ம், கட‌ன் ‌தொ‌கை மீத‌ான வ‌ட்டியி‌ல் 5 சதவீத ம‌ானிய‌ம் வழ‌ங்கவு‌ம், இ‌ந்த கட‌ன் ‌தொ‌கை‌யை 15 முத‌ல் 20 ஆ‌ண்டுகளி‌ல் திரு‌ம்ப ‌செலு‌த்தவு‌ம் அரசு அறிவி‌த்து‌ள்ளது.

இ‌ந்த தி‌ட்ட‌த்தி‌ன் கீ‌ழ் திருவ‌ாரூ‌ர் ம‌ாவ‌ட்ட‌த்தி‌ல் தமி‌ழ்நாடு அரசு பி‌ற்படு‌த்த‌ப்ப‌ட்‌டோ‌ர் ம‌ற்று‌ம் மிகவு‌ம் பி‌ற்படு‌த்த‌ப்ப‌ட்‌டோ‌ர் நல‌த்து‌றை மூல‌ம் நக‌ர்‌ப்புற‌ங்களி‌ல் (நகர‌ாட்சி ம‌ற்று‌ம் ‌பேரூர‌‌ாட்சி பகுதிக‌ள் ம‌ட்டு‌ம்) நில‌ம் ‌தே‌ர்வு ‌செ‌ய்ய‌ப்ப‌ட்டு, இலவச வீ‌ட்டும‌னை‌ப் ப‌ட்ட‌ா வழ‌ங்க‌ப்ப‌ட்டு, இதுவ‌ரை அ‌ந்த இட‌த்தி‌ல் வீடு க‌ட்டி‌க் ‌கொ‌ள்ளாத நப‌ர்க‌ள் வ‌ங்கி‌க் கட‌ன் ‌பெ‌ற்று வீடு க‌ட்டி‌க் ‌கொ‌ள்ளல‌ாம்.

இ‌ந்த தி‌ட்ட‌த்தி‌ன் கீ‌ழ் பயன‌டைய விரு‌ம்பு‌வோ‌ர் திருவ‌ாரூ‌ர் மாவ‌ட்ட பி‌ற்படு‌த்த‌ப்ப‌ட்ட ம‌ற்று‌ம் சிறுபா‌ன்‌மையின‌ர் நல அலுவல‌ரை ‌நேரி‌ல் அணுகுமாறு ஆ‌ட்சிய‌ர் எ‌ம். ச‌ந்திர‌சேகர‌ன் ‌கே‌ட்டு‌க் ‌கொண்டு‌ள்ள‌ார்.

Tuesday, December 8, 2009

திருவாரூரில் தமுமுக, தவ்ஹீத் ஜமாஅத் ஆர்ப்பாட்டம்

பாபர் மசூதி இடிக்கப்பட்ட தினமான டிச. 6-ம் தேதியையொட்டி, தமிழக முஸ்லிம் முன்னேற்றம் கழகம், தமிழ்நாடு தவ்ஹீத் ஜமாத் சார்பில் திருவாரூரில் ஞாயிற்றுக்கிழமை ஆர்ப்பாட்டங்கள் நடைபெற்றன.

கோரிக்கைகள்: பாபர் மசூதியை அதே இடத்தில் கட்ட அனுமதிக்க வேண்டும். பாபர் மசூதி இடிக்கப்பட்ட போது அப்போதைய காங்கிரஸ் அரசு அளித்த வாக்குறுதியை தற்போதைய காங்கிரஸ் அரசு நிறைவேற்ற வேண்டும். பாபர் மசூதி இடத்தை முஸ்லிம்களிடம் ஒப்படைக்க வேண்டும். பாபர் மசூதி இடிப்பில் குற்றஞ்சாட்டப்பட்டவர்களுக்கு உடனடியாக தண்டனை வழங்க வேண்டும் என்பன உள்ளிட்டக் கோரிக்கைகள் வலியுறுத்தப்பட்டன.

தமுமுக சார்பில்... திருவாரூர் ரயில் நிலையம் அருகே நடைபெற்ற ஆர்ப்பாட்டத்துக்கு மாவட்ட துணைச் செயலர் ஓய். சாதிக் பாட்ஷா தலைமை வகித்தார். மாநில துணைத் தலைவர் ஹாஜா குத்புதீன் சிறப்புரையாற்றினார். மாவட்டச் செயலர் குத்புதீன் மற்றும் மாவட்ட நிர்வாகிகள், கிளை நிர்வாகிகள் ஏராளமானோர் பங்கேற்றனர்.

தவ்ஹீத் ஜமாஅத்: திருவாரூர் தலைமை அஞ்சல் அலுவலகம் முன்பு நடைபெற்ற ஆர்ப்பாட்டத்துக்கு மாவட்டச் செயலர் எச். பீர்முகமது தலைமை வகித்தார். மாநிலப் பேச்சாளர் கோவை அப்துல் ரகீம் சிறப்புரையாற்றினார். மாவட்டப் பொருளாலர் எஸ்.எம். ஹாஜா மைதீன் மற்றும் மாவட்ட நிர்வாகிகள், கிளை நிர்வாகிகள் ஏராளமானோர் பங்கேற்றனர்.

ஆர்ப்பாட்டத்தில் ஏராளமானோர் பங்கேற்றனர்.

Saturday, December 5, 2009

தலைமைத் தேர்தல் அலுவலருடன் திருவாரூர் ஆட்சியர் கலந்துரையாடல்

திருவாரூர் மாவட்டத்தில் விடுபட்ட வாக்காளர் சேர்த்தல் மற்றும் நூறு சதவீத வாக்காளர் பட்டியல் கள ஆய்வுப் பணி ஆகியவற்றை விடியோ கான்பிரன்சிங் மூலம் தமிழக தலைமைத் தேர்தல் அலுவலர் நரேஷ் குப்தா வெள்ளிக்கிழமை ஆய்வு மேற்கொண்டார்.

திருவாரூர் மாவட்டத்தில் உள்ள திருத்துறைப்பூண்டி, மன்னார்குடி, திருவாரூர், நன்னிலம் ஆகிய நான்கு சட்டப்பேரவைத் தொகுதிகளுக்கான வாக்காளர் ப்டடியல்களைத் திருத்தியமைக்கும் பணி விரைவில் தொடங்கப்படவுள்ளது. இதன் ஒரு கட்டமாக, இன்னும் ஒருவார காலத்தில், கிராம நிர்வாக அலுவலர்கள் வாக்காளர் பட்டியலுடன் வீடுதோறும் சென்று, வாக்காளர் பட்டியலில் உள்ள விவரங்கள் சரியாக உள்ளதா என்பதை கள ஆய்வு மேற்கொள்ளவுள்ளனர். இதுதொடர்பான பணிகளில் ஏற்பட்டுள்ள முன்னேற்றம் குறித்து தலைமைத் தேர்தல் அலுவலர் நரேஷ்குப்தா மாவட்ட ஆட்சியர் எம். சந்திரசேகரனுடன் விடியோ கான்பிரன்சிங் மூலம் ஆய்வு மேற்கொண்டார்.

இந்த கலந்துரையாடல் நிகழ்ச்சியின்போது மாவட்ட வருவாய் அலுவலர் அ. ஜான்லூயிஸ், மன்னார்குடி மற்றும் திருவாரூர் வருவாய் கோட்டாட்சியர்கள், துணை ஆட்சியர் நிலையிலான மண்டல அலுவலர்கள், அனைத்து வட்டாட்சியர்கள் மற்றும் மாவட்ட ஆட்சியர் அலுவலக தேர்தல் வட்டாட்சியர் உள்ளிட்டோர் உடனிருந்தனர்.

ஏ.கே.எஸ். விஜயன் எம்.பி.க்கு புதிய பதவி

நாடாளுமன்ற உறுப்பினர் தொகுதி மேம்பாட்டு நிதி அமலாக்க கமிட்டியின் தலைவராக நாகை மக்களவைத் தொகுதி உறுப்பினர் ஏ.கே.எஸ். விஜயன் நியமிக்கப்பட்டுள்ளார்.

நாடாளுமன்ற உறுப்பினர்கள் 24 பேரை கொண்ட இந்த கமிட்டி, நாடு முழுவதும் நாடாளுமன்ற உறுப்பினர்களின் மேம்பாட்டு நிதி மூலம் செய்யப்படும் பணிகளைக் கண்காணித்தல், மறறும் அந்த திட்டத்தின் பயன்கள் மக்களை முழுமையாகச் சென்றடையும் வகையில் உரிய மாற்றங்களைக் கொண்டு வருதல் உள்ளிட்ட பணிகளை மேற்கொள்ளும். இந்த கமிட்டியின் அலுவலகம் நாடாளுமன்ற வளாகத்திலேயே உள்ளது.

இந்த பதவியின் மூலமாக நாடாளுமன்ற உறுப்பினர் தொகுதி மேம்பாட்டு நிதியின் மூலமாக செயல்படுத்தப்படும் பணிகள் அனைத்திலும் கிராமப்புற மேம்பாடு மற்றும் கல்வி மேம்பாட்டுக்கு உயர் முன்னுரிமை அளிக்கப்படும் என்றார் விஜயன்.

நாகை மக்களவை தொகுதியில் மூன்றாவது முறையாக உறுப்பினராக தேர்ந்தெடுக்கப்பட்டவர் விஜயன்.

Wednesday, December 2, 2009

திருவாரூர் மாவட்டத்தில் பரவலாக மழை

திருவாரூர் மாவட்டத்தில் அனைத்துப் பகுதிகளிலும் செவ்வாய்க்கிழமை பரவலாக நல்ல மழை பெய்தது. வங்கக் கடலில் உருவாகியுள்ள காற்றழுத்தத் தாழ்வுநிலை காரணமாக, கடலோர மாவட்டங்களில் கடந்த இரு தினங்களாக நல்ல மழை பெய்து வருகிறது. இதில் திருவாரூர் மாவட்டத்தில் செவ்வாய்க்கிழமை காலை 8.30 மணியுடன் முடிவடைந்த கடந்த 24 மணிநேரத்தில் அதிகபட்சமாக நன்னிலத்தில் 30.3 மில்லி மீட்டர் மழை பெய்துள்ளது.

மாவட்டம் முழுவதும் மழை விட்டு, விட்டு பெய்வதாலும், சீராக பெய்வதாலும் சம்பா, தாளடி பயிர்களுக்கு இந்த மழை நல்ல ஊட்டமளிப்பதாக இருக்கும் என வேளாண் துறையினர் தெரிவித்தனர். எனினும் செவ்வாய்க்கிழமை காலை முதல் தொடர்ந்து மழை பெய்து வந்ததால் பொதுமக்கள், பள்ளி மாணவ, மாணவிகள் பெரும் சிரமத்துக்குள்ளாகினர்.

- நன்றி / தினமணி.காம்

Saturday, November 28, 2009

ஹஜ்ஜுப் பெருநாள் (28.11.2009) அன்று வெளியான துண்டு பிரசுரங்கள்.

Wednesday, November 25, 2009

வேன் - பைக் மோதல்: பூதமங்கலம் வாலிபர் மரணம்

திட்டப் பணிகள்: ஆட்சியர் ஆய்வு

திருவாரூர் மாவட்டத்தில் பொதுப்பணித் துறையின் கட்டடக் கட்டுமானப் பிரிவின் மூலம் கட்டப்பட்டு வரும் கட்டடக் கட்டுமானப் பணிகளை வரும் டிசம்பர் மாத இறுதிக்குள் முடிக்க வேண்டும் என மாவட்ட ஆட்சியர் எம். சந்திரசேகரன் உத்தரவிட்டுள்ளார்.

கூத்தாநல்லூரில் தீயணைப்பு நிலையக் கட்டடக் கட்டுமானப் பணியை ஆய்வு செய்த ஆட்சியர் எம். சந்திரசேகரன் அங்கு தேங்கியிருந்த தண்ணீரை மோட்டார் பம்பு மூலம் வெளியேற்ற உத்தரவிட்டார்.

ஆய்வின் போது பொதுப்பணித் துறை செயற் பொறியாளர் இரா. பாஸ்கரன், வட்டாட்சியர் குமரேசன், வட்டார வளர்ச்சி அலுவலர் சிவஞானபாரதி உள்ளிட்டோர் பங்கேற்றனர்.

மனுக்கள் மீது விரைந்து நடவடிக்கை எடுக்க வேண்டும் - மாவட்ட ஆட்சியர்

பொதுமக்கள் அளிக்கும் கோரிக்கை மனுக்களுக்கு உடனடியாக நடவடிக்கை வேண்டும் என அலுவலர்களுக்கு ஆட்சியர் எம். சந்திரசேகரன் உத்தரவிட்டார்.

திருவாரூர் மாவட்ட ஆட்சியர் அலுவலகத்தில் திங்கள்கிழமை மக்கள் குறைதீர்க்கும் நாள் கூட்டம் நடைபெற்றது. கூட்டத்துக்கு மாவட்ட ஆட்சியர் எம். சந்திரசேகரன் தலைமை வகித்தார். கூட்டத்தில் 142 மனுக்கள் பெறப்பட்டன. மனுக்களைப் பெற்றுக் கொண்ட ஆட்சியர் தொடர்புடைய அலுவலர்களை உடன் அழைத்து, உரிய நடவடிக்கைகள் மேற்கொள்ள அறிவுறுத்தினார்.

குடும்ப அட்டை கோரி விண்ணப்பித்த தகுதியுடைய நபர்களுக்கு ஒரு மாத காலத்துக்குள் அட்டை வழங்க வேண்டும் என அலுவலர்களுக்கு ஆட்சியர் அறிவுறுத்தினார்.

பொதுமக்கள் அலுவலர்களை நம்பி, தங்கள் தேவைகள் குறித்து மனு செய்கின்றனர். எனவே அரசு அலுவலர்கள் அந்த மனுக்களை மனுதாரர் நிலையிலிருந்து பரிசீலித்து உடன் நிறைவேற்ற போர்க்கால அடிப்படையில் நடவடிக்கை மேற்கொள்ள வேண்டும். ஒவ்வொரு வாரமும் பெறப்பட்ட மனுக்கள் மீது எடுக்கப்பட்ட நடவடிக்கைகள் குறித்த அடுத்த வாரம் நடைபெறும் கூட்டத்தில் விவாதிக்கப்பட்ட பின்னரே மனுக்கள் பெற வேணடும் என்றார் ஆட்சியர்.

Monday, November 23, 2009

அரசின் திட்டங்களை சிறுபான்மையினர் பயன்படுத்திக் கொள்ள வேண்டும் - மாவட்ட ஆட்சியர்

சிறுபான்மையினருக்கான நலத் திட்டங்களை தகுதியுள்ளவர்கள் பயன்படுத்திக் கொள்ள வேண்டும் என்றார் திருவாரூர் மாவட்ட ஆட்சியர் எம். சந்திரசேகரன்.

முன்னாள் பிரதமர் இந்திரா காந்தி பிறந்தநாள் ஆண்டுதோறும் தேசிய ஒருமைப்பாட்டு வாரமாக கடைபிடிக்கப்படுகிறது. இதையொட்டி. மாவட்ட ஆட்சியர் அலுவலகத்தில் சிறுபான்மையினர் தினம் கொண்டாடப்பட்டது.

விழாவுக்குத் தலைமை வகித்து ஆட்சியர் பேசியது: மறைந்த முன்னாள் பிரதமர் இந்திரா காந்தி பிறந்தநாளையொட்டி, தேசிய ஒருமைப்பாடு வாரம் கொண்டாடப்படுகிறது. இதன்படி உறுதிமொழி ஏற்பு, சிறுபான்மையினர் தினம், மனித நேய வார விழா, கலை நிகழ்ச்சிகள், பள்ளி மாணவ, மாணவிகளுக்கு கட்டுரை, பேச்சு உள்ளிட்டப் போட்டிகள் நடத்தப்படுகின்றன.

தமிழக அரசு குழந்தைகள், மாணவ, மாணவிகள், திருமண வயதுள்ள பெண்கள், முதியோர்கள் என அனைவருக்கும் தேவையான பல்வேறு திட்டங்களை அறிவித்து, செயல்படுத்தி வருகிறது. குறிப்பாக சிறுபான்மையினருக்கு அவர்களது நலன் கருதி தொழில் செய்ய கடனுதவி, கல்வியில் இட ஒதுக்கீடு மற்றும் படித்தவர்களுக்கு வேலைவாய்ப்பில் இட ஒதுக்கீடு, கல்வி உதவித் தொகை என பல்வேறு திட்டங்களைச் செயல்படுத்தி வருகிறது. இத் திட்டங்களை தகுதியுள்ளவர்கள் பயன்படுத்திக் கொள்ள வேண்டும் என்றார் ஆட்சியர்.

Friday, November 20, 2009

வௌ்ளிக்கிழமை (20 நவம்பர்) ஜூம்ஆ தொழுகைக்கு பிறகு வெளியான துண்டு பிரசுரங்கள்

Thursday, November 19, 2009

கூட்டு முயற்சிதான் விரைவான முன்னேற்றத்தை தரும் - நபார்டு வங்கி அதிகாரி

Tuesday, November 17, 2009

கல்வியால் மட்டுமே சிறந்த சமுதாயத்தை உருவாக்க முடியும் - நகரசபை து.தலைவர்

வடபாதிமங்கலம் - மன்னார்குடி வழிதடத்தில் கூடுதல் பஸ் வசதி கோரிக்கை

Saturday, November 14, 2009

வௌ்ளிக்கிழமை (13 நவம்பர்) ஜூம்ஆ தொழுகைக்கு பிறகு வெளியான துண்டு பிரசுரங்கள்

Thursday, November 12, 2009

10 லட்சம் 'இலவச விமான டிக்கெட்டுகள்' வழங்கும் ஏர் ஆசியா!

கோலாலம்பூர்: உலகின் மிகக் குறைந்த கட்டண விமான சேவை நிறுவனம் என்ற விளம்பரத்தை தீவிரப்படுத்தியுள்ள ஏர் ஆசியா, பயணிகளுக்கு அதிரடிச் சலுகையாக 10 லட்சம் இலவச டிக்கெட்டுகளை வழங்குகிறது.

ஏர் ஆசியா விமானங்கள் செல்லும் அனைத்து நாடுகளுக்கும் இந்த இலவச டிக்கெட்டுகளைப் பெற்றுக் கொள்ளலாம்.

இந்த டிக்கெட்டுகளை ஏர் ஆசியாவின் இணையதளத்தில் பதிவு செய்து பெற வேண்டும். நவம்பர் 11-ம் தேதி துவங்கிய இந்த முன்பதிவு வரும் நவம்பர் 15 ஞாயிற்றுக் கிழமை நீடிக்கிறது. இந்த டிக்கெட்டுகள் மூலம் வரும் மே 10, 2010 முதல் அக்டோபர் 10ம் தேதி வரை பயணம் செய்ய முடியும்.

இந்த இலவச டிக்கெட் அறிவிப்பால் 11 -ம் தேதி மட்டும் இந்த விமான நிறுவனத்தின் தளத்துக்கு 300 மில்லியன் ஹிட்ஸ் கிடைத்ததாக ஏர் ஆசியா தெரிவித்துள்ளது.

முதல்நாள் மட்டும் 3 லட்சம் டிக்கெட்டுகள் விற்பனையாகியுள்ளதாம். எரிபொருள் கட்டணம், விமானக் கட்டணம் வசூலிக்கப்படுவதில்லை என்றாலும், விமான நிலையக் கட்டணம், சீட் கட்டணம் என அடிப்படைக் கட்டணங்களை வசூலிக்கப்படுகிறது.

இந்தியாவிலிருந்து திருச்சி, கொச்சி, திருவனந்தபுரம் மற்றும் கொல்கத்தாவிலிருந்து இந்த விமான சேவையைப் பெற முடியும். சென்னைக்கு இந்த விமான சேவை இல்லை.

- நன்றி/தட்ஸ்தமிழ்.com

கனமழை எதிரொலி - காய்கறி விலை உயர்வு

Monday, November 9, 2009

மாவட்டம் முழுவதும் விடிய விடிய வெளுத்து வாங்கிய மழை

Saturday, November 7, 2009

தொடரும் மழை - இயல்பு வாழ்க்கை பாதிப்பு

திருவாரூர் மாவட்டத்தில் கடந்த 10 தினங்களாக பெய்து வரும் மழையால் ஆறுகள், வாய்க்கால்களில் தண்ணீர் பெருக்கெடுத்து ஓடுகிறது. வங்கக் கடலில் ஏற்பட்டுள்ள காற்றழுத்தத் தாழ்வு நிலை காரணமாக, அக்.28-ம் தேதி இரவு முதல் திருவாரூர் மாவட்டத்தின் பல்வேறு பகுதிகளிலும் தொடர்ந்து பலத்த மழை பெய்து வருகிறது.

திருவாரூர் மாவட்டத்தில் புதன்கிழமை முழுவதும் பெய்த மழை காரணமாக வியாழக்கிழமை பள்ளிகளுக்கு விடுமுறை அளிக்கப்பட்டது. ஆனால், வியாழக்கிழமை பகலில் விட்டு, விட்டு தூறல் விழுந்தவண்ணம் இருந்தது. வியாழக்கிழமை இரவு முழுவதும் மழை தொடர்ந்தது. வெள்ளிக்கிழமை அதிகாலை முதல் தொடர்ந்து மழைத் தூறல்கள் இருந்தது. பிற்பகலில் லேசான வெயில் அடித்தது. பெரும்பாலான நேரங்களில் வானத்தில் கருமேகங்கள் சூழ்ந்திருந்தன.

Friday, November 6, 2009

கூட்டு குர்பானி திட்டம்!

Tuesday, November 3, 2009

நகராட்சி பணிகள் சிறப்பாக நடைபெற ஆதரவு - நகரசபை து.தலைவர்

Saturday, October 31, 2009

பருவ மழை : பொது மக்கள் மற்றும் விவசாயிகள் மகிழ்ச்சி

திருவாரூர் மாவட்டத்தில் பல மாதங்களுக்குப் பிறகு நல்ல மழை பெய்ததால் பொது மக்கள் மற்றும் விவசாயிகள் மகிழ்ச்சியடைந்தனர்.

வங்கக் கடலில் ஏற்பட்டுள்ள காற்றழுத்த தாழ்வு நிலை காரணமாக புதன்கிழமை இரவு முதல் திருவாரூர் மாவட்டத்தின் பல்வேறு பகுதிகளில் நல்ல மழை பெய்தது.

திருவாரூர் மாவட்டத்தில் வியாழக்கிழமை காலை 8.30 மணியுடன் முடிவடைந்த 24 மணிநேரத்தில் அதிகபட்சமாக திருவாரூரில் 45.8 மில்லி மீட்டர் மழை பதிவானது.

மற்ற இடங்களில் பெய்த மழை அளவுகள் வருமாறு (அளவு மில்லி மீட்டரில்): முத்துப்பேட்டை - 43.2, குடவாசல் - 34, திருத்துறைப்பூண்டி - 18.6, நீடாமங்கலம் - 14, மன்னார்குடி - 11.2, கூத்தாநல்லூர் - 19.7, நன்னிலம் - 10.3 அளவில் மழை பதிவானது.

திருவாரூர் மாவட்டத்தில் பரவலாக வியாழக்கிழமை பகலிலும் விட்டு, விட்டு நல்ல மழை பெய்தது. வடகிழக்குப் பருவ மழையும் காலத்தில் தொடங்காத நிலையில், இப்போது பெய்துள்ள இந்த மழையால் பொது மக்கள் மற்றும் விவசாயிகள் மகிழ்ச்சியடைந்துள்ளனர்.

Saturday, October 24, 2009

கலைஞர் காப்பீட்டுத் திட்ட முகாம்

NSS மாணவிகளுக்கு பரிசு!

Saturday, October 17, 2009

விடுபட்ட ரேஷன் கார்டுகள் 2 மாதத்திற்குள் தணிக்கை செய்யப்படும் - மாவட்ட வருவாய் அலுவலர்

Monday, October 12, 2009

தகவல் அறியும் உரிமைச் சட்டத்தின் கீழ் பயனுள்ள தகவல்களை பொதுமக்கள் பெற வேண்டும்

அரசிடமிருந்து தகவல் அறியும் உரிமைச் சட்டத்தின் கீழ் பயனுள்ள தகவல்களை பொதுமக்கள் பெற வேண்டும் என்றார் மாவட்ட ஆட்சியர் எம். சந்திரசேகரன்.

தகவல் அறியும் உரிமை சட்டம் குறித்து பொதுமக்களுக்கு விழிப்புணர்வு ஏற்படுத்தும் வகையில் அக். 6 முதல் அக்.12-ம் தேதி வரை தகவல் அறியும் உரிமை வார விழா கொண்டாட அரசு உத்தரவிட்டுள்ளது.

இதன்படி, திருவாரூர் மாவட்ட ஆட்சியர் அலுவலகத்தில் இதுதொடர்பான கருத்தரங்கு வியாழக்கிழமை நடைபெற்றது. கருத்தரங்குக்குத் தலைமை வகித்து ஆட்சியர் பேசியது:

தகவல் அறியும் உரிமைச் சட்டத்தின் மூலம், பொது அதிகார அமைப்புகளில் ஒளிவுமறைவற்ற நிர்வாகத்துக்கான தகவல்களை பொதுமக்கள் கேட்டு பெறலாம். இந்தச் சட்டத்தின் மூலம், முழுமையாக, முறையாக, பயனுள்ள தகவல்களை மக்கள் பெற வேண்டும். இந்தச் சட்டம் குறித்து அரசு அலுவலர்களும், தொண்டு நிறுவனங்களும் மக்களுக்கு விழிப்புணர்வு ஏற்படுத்த வேண்டும் என்றார் ஆட்சியர்.

- நன்றி/தினமணி.காம்

Sunday, October 4, 2009

சிங்கப்பூர் கூத்தாநல்லூர் சங்கத்தின் அழைப்பிதழ்

Thursday, October 1, 2009

திருவாரூரில் மத்திய பல்கலைக்கழகம் அமைத்த திமுக அரசுக்கு நன்றி - கூத்தாநல்லூர் நகராட்சி கூட்டம்

Tuesday, September 29, 2009

தமிழ்நாடு மத்திய பல்கலைக்கழகம் தொடக்க விழா அழைப்பிதழ்

திருவாரூரில் நாளை (30 செப்) மத்திய பல்கலைக்கழகம் துவக்கம்

- நன்றி/தினகரன்.காம்

Monday, September 28, 2009

பிள்ளைகளை அடித்தால் அறிவுக்கூர்மை குறையும்!

பிள்ளைகளை அதிகளவில் அடித்தால் அவர்களின் அறிவுக்கூர்மை மழுங்கி விடும் என்று ஆய்வில் தெரியவந்துள்ளது.

பிள்ளைகளை வளர்ப்பது ஒரு கலை. பெரும்பாலான பெற்றோர்களுக்கு அது தெரிவதில்லை. எதற்கெடுத்தாலும் அடி, உதை... குத்துதான். படிக்கவில்லையா? சொன்ன பேச்சு கேட்கவில்லையா? தலையில் நாலு குட்டு...! முதுகுல நாலு குத்து...!! பிள்ளைகளை வழிக்கு கொண்டு வர பெற்றோர்கள் கொடுக்கும் ராஜ வைத்தியம் இதுதான். ஆனால், பெற்றோரின் இந்த தண்டனை மனப்பான்மையால் தங்கள் பிள்ளைகளின் எதிர்காலமே பழாகிவிடும் என்பதை அவர்கள் அறிவதில்லை.

நியூ ஹம்ஷையர் பல்கலைக்கழகத்தை சேர்ந்த முதன்மை விஞ்ஞானி முர்ரே ஸ்டரஸ் தலைமையிலான குழு, பெற்றோரால் அடிக்கடி அடிக்கப்படும் பிள்ளைகள் என்ற ஆய்வை சமீபத்தில் மேற்கொண்டது. இதற்காக 1,500 பிள்ளைகளிடம் ஆய்வு மேற்கொள்ளப்பட்டது. இவர்களில் பாதி பேர் 2 முதல் 4 வயதுக்கு உட்பட்டவர்கள். மற்றவர்கள் 5 முதல் 9 வயதுக்கு உட்பட்டவர்கள்.

இவர்களில் அடிக்கடி அடிக்கப்படும் பிள்ளைகளுக்கு, மற்ற பிள்ளைகளை விட அறிவுக்கூர்மை குறைவாக இருப்பது தெரிய வந்தது. உதை வாங்கும் 2 முதல் 4 வயதுக்கு உட்பட்ட குழந்தைகளுக்கு மற்ற குழந்தைகளை விட அறிவுக்கூர்மை 5 சதவீதம் குறைவாக இருப்பதாகவும், 4 முதல் 9 வயதுக்கு உட்பட்ட பிள்ளைகளின் அறிவுக்கூர்மை 2.8 சதவீதம் குறைவாக இருப்பதாகவும் ஆய்வில் கண்டுபிடிக்கப்பட்டுள்ளது.பெற்றோர்களை பிள்ளைகளை அடித்து வளர்ப்பதைவிட அன்பால் அரவணைத்து வளர்ப்பதே சிறந்தது.