திருவாரூர் மாவட்ட ஆட்சியராக கே. பாஸ்கரன் நியமனம்

திருவாரூர் மாவட்ட ஆட்சியராக கே. பாஸ்கரன் நியமனம் செய்யப்பட்டுள்ளார்.

திருவாரூர் மாவட்ட ஆட்சியராக பணியாற்றி வந்த எம். சந்திரசேகரன் இந்திய மருத்துவக் கழகத்தின் இயக்குநராக மாற்றம் செய்யப்பட்டதைத் தொடர்ந்து, தமிழக அரசின் செய்தி - மக்கள் தொடர்பு இயக்குநராகப் பணியாற்றிய கே. பாஸ்கரன் திருவாரூர் மாவட்ட ஆட்சியராக நியமிக்கப்பட்டுள்ளார்.

பெரியபள்ளிவாயில் பரக்கத்துல்லா-மெஹர்நிஸா ஹால்

கூத்தாநல்லூர் பெரியப்பள்ளிவாயில் பள்ளிக்கொல்லை அருகிலிருந்த பழமைவாய்ந்த மிராசுதார் சங்க ஓட்டுக் கட்டிடம் மிகவும் வழுவிழந்து காணப்பட்டதால் அதனை சமீபத்தில் இடித்துவிட்டு புதிதாக காண்கிரீட் கட்டிடம் கட்ட ஏற்பாடு செய்யப்பட்டது. அதற்கான செலவீனங்கள் ஆராயப்பட்டு, ரூ.10 லட்சத்தில் சிறப்பாக கீழ்தளம் 1000 சதுர அடியில் கட்டுவதென முடிவெடுக்கப்பட்டது.

மேற்காணும் ரூ.10 லட்சத்தை நன்கொடையாக அல்ஹாஜ். K.A.பரக்கத்துல்லாஹ் (துணை தலைவர், கூத்தாநல்லூர் பெரியபள்ளிவாயில்) அவர்கள் அளிக்க முன்வந்துள்ளார்கள். அவருடைய வேண்டுகோளுக்கிணங்க இவ்வரங்கத்திற்கு “பரக்கத்துல்லாஹ் - மெஹர்நிஸா ஹால்” எனப் பெயரிட்டு கட்டிமுடிக்க ஏற்பாடுகள் செய்யப்பட்டன.

அதன் தொடர்ச்சியாக அதற்கான அடிக்கல் நாட்டு விழா நேற்று (10-1-2011) திங்கள் மாலை 5-00 மணியளவில் நடைபெற்றது. இந்நிகழ்ச்சியில் ஊர் முக்கியஸ்தர்கள் மற்றும் சமூக ஆர்வலர்கள் அனைவரும் பங்கேற்றனர்.

நிகழ்ச்சியில் எடுக்கப்பட்ட புகைப்படங்கள்:

நீடூர் மருத்துவக் கல்லூரி தொடர்பான ஆலோசனைக் கூட்டம்

சுமார் ரூ.350 கோ‌டி எனும் பெரும் பொருட்செலவில் வக்பு வாரியத்தின் கீழ் தொடங்கப்பட உள்ள நீடூர் மருத்துவக் கல்லூரி - முதலீட்டு தொகையை பொதுமக்களிடமிருந்து பங்குத்தொகையாக பெற்று தொடங்க முயற்சி மேற்கொண்டுள்ள நிலையில் நமதூருக்கு ஆலோசனை முகமாக ஆதரவையும், பங்குத் தொகையை பெறவும் விளக்கக் கூட்டம் நடத்த வருகைதர உள்ளனர்.

உங்களுடைய ஆலோசனைகளை பெரியப்பள்ளிவாயில் ஜமாஅத் நிர்வாகத்திற்கு தெரிவிக்க அல்லது மேலும் விளக்கம் பெற கூத்தாநல்லூர் பெரியபள்ளிவாயில் செயலாளர் ஜனாப். ஜமால் ‌ஷேக் (+91 99425 20419) அவர்களை தொடர்பு கொள்ளுமாறு கேட்டுக் கொள்கிறோம்.

சின்னப்பள்ளி தெருவில் பெண்கள் மத்ரஸா துவக்கம்

பெரியப்பள்ளிவாயில் குளத்தின் சுற்றுச்சுவர் மறுசீரமைப்பு பணி

நமது கூத்தாநல்லூர் பெரியபள்ளிவாயில் குளத்தின் 104 ஆண்டுகள் பழமையான சுற்றுச்சுவர் சமீபத்தில் பெய்த கனமழையின் காரணமாக மஸ்ஜிதியா தெரு - ஜாவியா தெரு சந்திப்பை ஒட்டிய சாலையில் நடுபகுதியுடன் விரிசல் கண்டு கடந்த 2010 - நவம்பர் மாதம் - 27ம் தேதி இரவு சுமார் 7.30 மணிக்கு குளத்திற்குள் விழுந்துவிட்டது.

இச்சம்பவத்தில் எவ்வித ஆபத்தும் இன்றி காப்பாற்றிய இறைவனுக்கும், சாலைய‌ை முடக்கி முன்னேற்பாடுகள் செய்த பெரியப்பள்ளி நிர்வாகத்திற்கும் ஏனைய தன்னார்வ தொண்டர்களுக்கும் நன்றியை தெரிவித்துக் கொள்கிறோம்.

மழைக்காலம் முடிந்த இந்நிலையில் இடிந்த பெரியப்பள்ளிவாயில் குளத்தின் சுற்றுச்சுவரினை மீண்டும் கட்ட ஏற்பாடுகள் செய்யப்பட்ட நிலையில், அதற்கான ஊகிக்கப்பட்ட செலவுகள் கணக்கிடப்பட்டு ரூ.7 லட்சத்து 20 ஆயிரம் என முடிவெடுக்கப்பட்டது.

எனினும் ‌இத்தொகையை தமி‌ழக அரசின் “நமக்கு நாமே” திட்டத்தின் கீழ் பகிர்ந்து கொண்டு கட்டி முடிக்க முயற்சிகள் எடுக்கப்பட்டு அதற்கான சரிபாதி பங்குத்தொகை ரூ.3 லட்சத்து 60 ஆயிரம் நமது பெரியப்பள்ளிவாயில் நிர்வாகத்தின் சார்பாக திருவாரூா் மாவட்ட கலெக்டரிடம் ஒப்படைக்கப்பட்டது.

இன்னும் ஓரிரு வாரங்களில் குளத்தின் தண்ணீர் வெளியேற்றப்பட்டு விரைவில் வேலைகள் துரிதமாக நடைபெறும் என பெரியப்பள்ளிவாயில் நிர்வாகத்தினர் தெரிவித்துக் கொள்கின்றனர்.

தகவல் - ஜமால். ஷேக் அப்துல் காதர்
செயலாளர், கூத்தாநல்லூர் பெரியப்பள்ளிவாயில்

அன்னை கஸ்தூரிபா காந்தி நர்சரி & பிரைமரி பள்ளி (அரையாண்டுத் தேர்வு முடிவுகள் டிசம்பர்-2010)

லெட்சுமாங்குடி, கம்பர் தெருவில் இயங்கிவரும் அன்னை கஸ்தூரிபா காந்தி நர்சரி & பிரைமரி பள்ளியில் படிக்கும் மாணவ - மாணவிகளின் டிசம்பர் -2010 அரையாண்டுத் தேர்வு முடிவுகள‌ை வெளியூர் அல்லது வெளிநாட்டில் பணியாற்றிக் கொண்டிருக்கும் தந்தைமார்களின் கவனத்திற்கு எடுத்து செல்லவே இம்முயற்சியை அன்னை கஸ்தூரிபா காந்தி பள்ளியின் நிர்வாகம் ‌மேற்கொண்டுள்ளது.

உங்களின் பிள்ளைகள் இப்பள்ளியில் படித்துக் கொண்டிருப்பின், ஒவ்வொரு தேர்வுகளின் முடிவுகளை தேர்வு மு‌டிந்த 15 நாட்களுக்குள் எதிர்பாருங்கள்.

டிசம்பர் -2010 அரையாண்டுத் தேர்வு முடிவுகளை காண
இங்கே கிளிக் செய்யவும்.

மாணவர்களின் நலனுக்காக என்றென்றும்...
அன்னை கஸ்தூரிபா காந்தி
நர்சரி & பிரைமரி பள்ளி,
(நாளைய அதிகாரிகளுக்கான இன்றைய பள்ளி)
கம்பர்தெரு, லெட்சுமாங்குடி.
போன்: +91 4367 234384
செல் : +91 9976 234384

இணையதளம் மூலம் மின் கட்டணம் செலுத்துவது தமிழகம் முழுவதும் விரிவாக்கம்

ஆன்லைன் மூலம் மின் கட்டணம் செலுத்தும் வசதி கடந்த 1ம் தேதி அறிமுகப்படுத்தப்பட்டது. இருப்பினும், பலருக்கு இணைய தளத்தில் மின் கட்டணம் செலுத்தும் வழிமுறைகள் தெரிவதில்லை.

இதுகுறித்து, வெளியிட்டுள்ள அறிக்கை: www.tneb.in என்ற இணைய தளத்தில் சென்று, billing services என்ற தலைப்புக்குள் online bill payment என்ற உபதலைப்பை கிளிக் செய்து மின்கட்டண நுழைவாயில் (internet payment gateway) படிவத்தில் கேட்கப்பட்டுள்ள விவரங்களை பூர்த்தி செய்து மின்கட்டணத்தை இந்தியன் ஓவர்சீஸ் வங்கி, இந்தியன் வங்கி பண அட்டை மூலமாகவோ, அனைத்து மாஸ்டர்/விசா கடன் அட்டைகள் மூலமாகவோ இந்த இணைய தளத்தில் செலுத்தலாம் . இணைய தள வணிக சேவை மூலம் மின்கட்டணம் செலுத்தும் வசதி ஆக்சிஸ், ஐசிஐசிஐ, சிட்டி யூனியன், ஐஓபி, இந்தியன் வங்கிகளில் உள்ளது.

வீடு மற்றும் கடைகளுக்கான மின் கட்டணத்தை ஆன்லைன் மூலம் செலுத்துவதற்கான வசதியை மேலும் சில வங்கிகளுக்கு விரிவாக்கம் செய்ய நடவடிக்கை மேற்கொள்ளப்பட்டுள்ளது. இதுகுறித்த செய்திக்குறிப்பு: குறைந்த அழுத்த மின் இணைப்பு பெற்றுள்ள வீடுகள் மற்றும் கடைகளுக்கு மின் கட்டணத்தை ஆன்லைன் மூலம் செலுத்தும் வசதி கடந்த டிசம்பர் மாதம் 1ம் தேதி முதல் தமிழகம் முழுதும் விரிவாக்கம் செய்யப்பட்டுள்ளது.

தற்போது ஆக்சிஸ் வங்கி, ஐசிஐசிஐ, இந்தியன் வங்கி, சிட்டி யூனியன் வங்கி, இந்தியன் ஓவர்சீஸ் வங்கி மற்றும் கனரா வங்கிகள் மூலம் மின்கட்டணத்தை ஆன்லைன் மூலம் செலுத்த முடியும். மேலும் கூடுதலாக பல வங்கிகளை இத்திட்டத்தில் இணைக்க நடவடிக்கை மேற்கொள்ளப்பட்டுள்ளது.

ஆகவே, மின்கட்டணத்தை www.tneb.in என்ற இணையதளம் மூலம் நுகர்வோர்கள் எளிதில் கட்டலாம்.

உலமாக்கள் நல வாரியத்தில் உதவிகள் பெற அழைப்பு

திருவாரூர் மாவட்டத்தில் உலமாக்கள் மற்றும் பணியாளர்கள் நல வாரியத்தில் நலத் திட்ட உதவிகள் பெற விண்ணப்பிக்கலாம்.

இதுகுறித்து மாவட்ட ஆட்சியர் எம். சந்திரசேகரன் வெளியிட்ட செய்திக் குறிப்பு: திருவாரூர் மாவட்டத்தில் உலமாக்கள் மற்றும் பணியாளர்கள் நல வாரியத்தில் இதுவரை 442 பேர் உறுப்பினர்களாகப் பதிவு செய்து கொண்டு அடையாள அட்டைகள் பெற்றுள்ளனர். இந்த வாரியத்தின் மூலம் வழங்கப்படும் பல்வேறு நலத் திட்ட உதவிகளின் விவரம் அடையாள அட்டையில் தெளிவாகக் குறிப்பிடப்பட்டுள்ளன.

கல்வி உதவித் தொகை, திருமண உதவித் தொகை, கண் கண்ணாடி, ஈமச்சடங்கு உதவித் தொகை ஆகியவற்றை மட்டும் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலரே உடனுக்குடன் ஒப்பளிப்பு செய்யும் வகையில் இம் மாவட்டத்துக்கு இதுவரை ரூ. 87,500 ஒதுக்கீடு செய்யப்பட்டு, இதுவரையில் 4 மாணவ, மாணவிகளுக்கு கல்வி உதவித் தொகையாக ரூ. 7,000 வழங்கப்பட்டுள்ளது.

எனவே, மேற்காணும் அடையாள அட்டை பெற்றுள்ளவர்கள் தகுதியான நலத் திட்ட உதவிகள் பெறுவதற்கு மாவட்ட ஆட்சியர் அலுவலகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தை அணுகலாம்.

மேலும், இந்த வாரியத்தில் இதுவரை பதிவு செய்யாத நபர்கள் மாவட்ட பிற்படுத்தப்பட்டோர் நல அலுவலகம் மற்றும் தஞ்சையில் உள்ள மாவட்ட வக்பு வாரிய ஆய்வாளர் அலுவலகம் ஆகியவற்றில் விண்ணப்பங்களை நேரடியாகப் பெற்று முழுமையான சான்றுகளுடன் விண்ணப்பித்து வாரியத்தில் உறுப்பினராகிப் பயன் பெறலாம் என ஆட்சியர் தெரிவித்துள்ளார்.

- நன்றி (தினமணி.காம்)

மேல் சபை வாக்காளர் பட்டியல் சேர நாளை கடைசி நாள் (டிசம்பர் - 17)

தமிழக மேல் சபை தேர்தல் விரைவில் நடக்க உள்ளது. இதில் இரண்டு பிரிவில் உள்ளவர்களே வாக்களிக்க முடியும். யாரெனில் ஆசிரியர்கள் மற்றும் பட்டதாரிகள்.

தமிழக அரசின் மேல் சபைக்கான வரைவு வாக்காளர் பட்டியல் வெளியிடப்பட்டுள்ளது. இதை மாநகராட்சி மண்டல அலுவலகங்கள், வட்டாச்சியர் அலுவலகங்களில் சென்று சரிபார்த்துகொள்ளலாம். இதில் விடுபட்டவர்கள், மேலும் புதிதாக விண்ணப்பிக்க விரும்புவோர் நீடாமங்கலம் வட்டாச்சியர் அலுவலகத்தில் டிசம்பர் 17 வரை விண்ணப்பிக்கலாம். இறுதி வாக்காளர்பட்டியல் விரைவில் வெளியிடப்படும். எனவே இதுவரை விண்ணப்பிக்காதவர்கள் இந்த அறிய வாய்ப்பை பயன்படுத்தி விண்ணப்பிக்கவும். உங்களுக்கு தெரிந்த நமதூர் பட்டதாரிகள், ஆசிரியர்கள் இருந்தால் இந்த தகவலை தெரியப்படுத்த வேண்டுகிறோம்.

யார் விண்ணப்பிக்கலாம்?
இந்தியாவில் உள்ள ஏதேனும் ஒரு பல்கலை கழகத்தில் 2007-ல் பட்ட படிப்பு முடித்தவர்கள் மற்றும் 2007-க்கு முன்பாக பட்ட படிப்பு முடித்தவர்கள் விண்ணப்பிக்கலாம். தொலைதூர கல்வியில் பயின்றவர்களும் விண்ணப்பிக்கலாம்.

எங்கு விண்ணப்பிப்பது?
நீடாமங்கலம் வட்டாச்சியர் அலுவலகம்

எப்படி விண்ணப்பிப்பது?
விண்ணப்பங்கள் விநியோகிப்படும் மையங்களில் விண்ணப்பத்தை பூர்த்தி செய்து கொடுக்க வேண்டும். http://www.elections.tn.gov.in/tnmlc/FORM18TAMIL.pdf இணையதளத்திலும் விண்ணப்ப படிவத்தை பதிவிறக்கம் (Download) செய்து நேரில் சென்று விண்ணப்பிக்கலாம்.

விண்ணப்ப ப‌டிவத்துடன் சமர்பிக்க வேண்டிய சான்றிதழ்கள்:

1. பட்ட சான்றிதழ் (Degree Certificate or provisional Certificate )
2. குடும்ப அட்டை (Ration Card) அல்லது ஓட்டுனர் உரிமம் (Driving Licence)
3. வேறு முகவரியில் வசிப்பின் வீட்டு வாடகை ரசீது (அல்லது) இருப்பிடச் சான்றிதழ்

மூல சான்றிதழை (ஒரிஜினல் சர்டிபிகேட்) சமர்பிக்க வேண்டாம். சான்றிதழை நகல் (Xerox copy) எடுத்து Self Attested செய்து சமர்பித்தால் போதும். ஆனால் ஒரிஜினல் சர்டிபிகேட்டை அதிகாரி சரிபார்க்க உடன் எடுத்து செல்வது அவசியம்.

மேலும் விபரங்கள் நமதூருக்கான நீடாமங்கலம் வட்டாச்சியர் அலுவலகத்தில் (Ph: 04367 260456) அல்லது இந்த இணையத்திலும் http://www.elections.tn.gov.in/tnmlc.html தெரிந்துகொள்ளலாம்.

குவைத் தமிழ் இஸ்லாமியச் சங்கத்தின் (K-Tic) முப்பெரும் விழா!